Charles Planckaert arkitektoak (1861-1933) 1896 eta 1898 artean eraiki du Jacques Laffitte eta Frédéric Bastiat karriken juntan kokatu eraikin historikoa, bisitariak hezi eta inspiratzeko asmoz. Kareharriz, garai hartako estilo klasiko eta eklektikoan altxatua, arkitektura eremu eta osagai ohargarriak aterpetzen ditu eraikin honek.
Petit Palais edo Opéra Garnier bezalako itzal handiko obrak burutzeagatik ospetsua den Facchina enpresak egina. 1970 hamarkadan burutu obren garaian gordeturik, azken obra hauen karietara berriz agerian ezarria eta pazientziaz berritua izan da. Baionako Bonnat Museoaren MBB monogramoak berrosatuak izan dira, museoa eraikia izan zelarik ikusten ahal zenaz ikuspegi orokorra emanez.
Noël Bouton-ek (1860-1954) 1900 inguruan oihal gainean kolatuan tindatuak. Hondo urdin gaineko landare zerrenda batez apaindua den gaineko partean agertzen dira Xavier Ducasse (1771-1836), Bernard Dubourdieu (1773-1811) edo Charles Lavigerie (1825-1892) bezalako baionar pertsonalitate batzuen izenak, dakarten kartutxoak. Irudikapen sinbolikoak ikusgai dira izkinetan (liburuak, itsasontziak, nabigazio eta musika tresnak), perla eta disko zerrendek osaketaren behereko zatia apaintzen dutelarik.
berriz agerian ezarriak patioko eta gela batzuen selauruen azpian, eraikina 2025ean berritua izan delarik, argi naturala sarrarazteko museoan.
Luzapen eta berritze operazio handinahiaren ondotik, hastapeneko argiaren disdira berriz agertzen da museoan. BLP & Associés arkitektura agentziak buruturik, Charles Planckaert-en jatorrizko arkitekturak XIX. mendean asmatu argitasun naturalari leku guzia berriz ematen ahalbidetu du operazio honek, haren garaikidetasunean sarraraziz, tokiaren izpirituari fidela zaion koadro berritua eskaintzeko. Proiektuaren bihotzean, eremu publiko berria sortu da Jacques Laffitte lehen mailako eskolaren korralean, eraikin historikoa eta honen luzapenaren artean, kalostre baten moduan. Obratze honen izenpedura, le « Phare » delakoak modernizazio ukitua ekartzen dio obra historiko honi.
